ꦝꦟ꧀ꦝꦁꦒꦸꦭ ꧌꧇꧑꧇-꧇꧓꧇꧍

꧇꧑꧇
꧄ꦠꦧꦸꦃꦱꦥ꧀ꦠꦤꦸꦗꦾꦧꦸꦣꦩꦤꦶꦱ꧀꧈ ꦮꦸꦭꦤ꧀ꦱꦸꦫꦏꦥꦶꦁꦠꦶꦒꦁꦢꦱ꧈ ꦅꦁꦩꦔ꧀ꦱꦏꦥꦠ꧀ꦮꦸꦏꦸꦤꦺ꧈ ꦏꦸꦫꦤ꧀ꦠꦶꦭ꧀ꦗꦺꦏꦁꦠꦲꦸꦤ꧀꧈ ꦱꦶꦫ꧀ꦟ꧀ꦤꦺꦁꦠꦠꦥꦟ꧀ꦝꦶꦠꦺꦁꦱꦶꦮꦶ꧈ ꦱꦼꦔ꧀ꦏꦭꦢꦸꦏꦤꦸꦫꦠ꧀꧈ ꦄꦏ꧀ꦰꦩꦲꦤꦸꦫꦸꦤ꧀꧈ ꦩꦔꦸꦤ꧀ꦭꦔꦼꦤꦶꦁꦕꦫꦶꦠ꧈ ꦕꦫꦶꦠꦤꦺꦨꦛꦫꦫꦩꦲꦶꦁꦏꦮꦶ꧈ ꦗꦶꦤꦫ꧀ꦮ꧀ꦮꦏ꧀ꦏꦼꦤꦶꦁꦏꦿꦩ꧉

꧇꧒꧇
꧄ꦩꦫ꧀ꦢ꧀ꦢꦾꦏꦮꦸꦫ꧀ꦪꦾꦤꦶꦁꦏꦿꦩꦤꦶꦠꦶ꧈ ꦩꦤꦮꦸꦁꦩꦔ꧀ꦏꦱꦼꦏꦫ꧀ꦩꦚ꧀ꦕꦥꦠ꧀꧈ ꦅꦔ꧀ꦏꦁꦫꦶꦤꦼꦔ꧀ꦒꦏꦟ꧀ꦝꦤꦺ꧈ ꦤꦼꦔ꧀ꦒꦶꦃꦉꦏ꧀ꦰꦱꦥꦿꦨꦸ꧈ ꦅꦁꦔꦊꦔ꧀ꦏꦥꦿꦗꦤꦶꦫꦢꦶ꧈ ꦱꦸꦩ꧀ꦧꦒꦺꦁꦠꦿꦶꦨꦸꦮꦤ꧈ ꦥꦿꦏꦺꦴꦱ꧀ꦮꦢꦶꦧꦾꦤꦸꦁ꧈ ꦮꦶꦤꦺꦴꦔ꧀ꦮꦺꦴꦁꦏꦫꦠꦺꦴꦤꦶꦫ꧈ ꦄꦔ꧀ꦭꦸꦮꦶꦲꦶꦏꦸꦩꦭꦸꦔ꧀ꦏꦸꦔꦤꦺꦁꦨꦸꦩꦶ꧈ ꦠꦤꦤꦏꦁꦠꦸꦩꦶꦩ꧀ꦧꦁ꧉

꧇꧓꧇
꧄ꦏꦱꦸꦢꦶꦫꦤꦶꦫꦲꦔꦼꦠꦼꦫꦶ꧈ ꦫꦶꦱꦁꦨꦸꦩꦶꦤꦠꦲꦶꦁꦔꦊꦔ꧀ꦏ꧈ ꦏꦸꦱꦸꦠ꧀ꦥꦫꦫꦠꦸꦏꦧꦺꦃ꧈ ꦢꦶꦠꦾꦉꦏ꧀ꦰꦱꦢꦶꦪꦸ꧈ ꦩꦾꦁꦫꦠꦸꦤꦶꦁꦩꦤꦸꦔ꧀ꦱꦱꦩꦶ꧈ ꦠꦤꦤꦏꦁꦏꦸꦮꦮ꧈ ꦭꦸꦩꦮꦤꦶꦁꦠꦔ꧀ꦒꦸꦃ꧈ ꦤꦢꦾꦤ꧀ꦢꦺꦮꦱꦸꦫꦭꦪ꧈ ꦧꦛꦫꦺꦤ꧀ꦢꦿꦉꦧꦸꦠꦿꦺꦴꦏ꧀ꦏꦱꦺꦴꦫꦤ꧀ꦢꦺꦤꦶꦁ꧈ ꦭꦤ꧀ꦯꦿꦶꦩꦲꦪꦏ꧀ꦰꦺꦤ꧀ꦢꦿ꧉

Labels: ꦝꦟ꧀ꦝꦁꦒꦸꦭ, ꦱꦼꦫꦠꦿꦩ

ꦩꦠꦸꦂꦤꦸꦮꦸꦤ꧀ꦱꦩ꧀ꦥꦸꦤ꧀ꦩꦲꦺꦴꦱ꧀ ꦝꦟ꧀ꦝꦁꦒꦸꦭ ꧌꧇꧑꧇-꧇꧓꧇꧍. ꦩꦁꦒꦢꦶꦥꦸꦤ꧀ꦧꦒꦶ